Akulira essomero lya Citizen Primary School erisangibwa e Makindye Haruna Mugabo agobye abayizi 16 abaava ku nguudo za Kampala naye nga basasulirwa Dr. Kizza Besigye ebisale by’essomero nga babanjibwa ensimbi eziri mu bukadde bubiri .
Ekibiina kya FDC wamu ne Dr. Kizza Besigye baasalawo okusasulira abaana bano ebsale byessomero bebaapepereza okuva ku nguudo babeeko kyebakola ekyomugaso bafuuke bannansi aboobuvunaanyizibwa nga bazina amazina wamu n’okukola katemba wabula nga muno temuva sente zibamala kusasula bisale bya ssomero .
Wabula nga ensonda ezimu zigamba nti Haruna Mugabo abaana bano abagobye lwa kiniga okuba nga basasulirwa FDC ERa alayira obutakkiriza baana bano kudda mu ssomero nga tebannasasula .
Radio Simba eyogeddeko ne amyuka Ssaabawandiisi wa FDC Harold Kaija n’agamba nti ekibiina tekirina nteekateeka esasula bisale bya ssomero naye baayambako wekyetaagisizza , wabula agamba nti Dr. Kizza Besigye mweteefuteefu okuyamba abaana bano wadde nga ataataaganyizibwa .