Ebiwoobe, okwazirana, emiranga n’enyike byabutikidde ekyalo Rongoro ekisangibwa mu Gombolola y’e Busoba mu maka g’omwami John Wabwere ne Lovisa Lunyolo omwafudde abantu 4 tuleera beyatomera nga bava okulima. Ivan Mayima, 25; Boniface Woniaye, 13, eyatuula ebigezo byekyomusanvu ku Rise and Shine Primary School; Jackson Mukhwana, 12, omuyizi mu kibiina ekyokuna ku Rongoro Primary School; Mutonyi Khaka, 23 be bafiirawo tuleela bweyabatomera.
Kigambibwa nti tuleela eyabatomera yali etisse sseminti nga eva Tororo wabula ku misinde emiyitirivu netomeregana ne loole endala ku lutindo lw’e Manafwa olwo newaba netomera bano okuva emabega.