Buyinja Kalisito omutuuze w’e Kabowa ne Mariam Nansubuga omutuuze w’e Kibe Kalerwe bebasimatuse okuttibwa abatuuze ababadde bataamye obugo bwebabadde bagezaako okuwamba omwana omuwala omuyizi ku ssomero lya Jinja Kalooli Primary School nga bamulimbye nti bamutwala ku musawo e Mattuga amuyambe okumuwa amagezi ag’okusoma.
Ono bwagaanye byebabadde bamugamba nebagezaako okufuna entambula eyamangu bamutwale bwatyo natandika okukuba enduulu esombodde abantu abazze okumuymaba. Poliisi y’e Kawempe eyitiddwa mangu nejja netaasa abantu bano ku batuuze ababadde batandise okubakuba emizibu.
Abakwate batwaliddwa mu ddwaliro lya Kawempe Referral Hospital okufuna obujanjabi nga kati bakuumirwa Poliisi e Kawempe gyebanagibwa batwalibwe mu kkooti.
