Obyokwerinda binywezeddwa ku Palamenti nga ababaka 458 batandika okulayira leero okumala ennaku 3.
Ababaka ba Palamenti bavudde ku 386 okutuuka ku 458 mu Palamenti eno eye kkumi nga bava mu zi Disitulikiti ne zi Municipali empya.
Okulayira kwa kutwala ennaku 3 okutandika leero okutuusa nga 18 ogwokutaano nga mu babaka bano, NRM erina ababaka abasoba mu 294 , FDC 36, DP 14, UPC 06 ate abaggya kubwa namunigina 64.