Abakulembeze b’Amawanga ga Afirika ab’enjawulo okuli Pulezidenti wa Ethiopia, Sahle-Work Zewde, Omumyuuka wa Pulezidenti wa Tanzania, Philip Isdor ne Minisita wa kabineeti owa Gavumenti ya Kenya, Musalia Mudavadi beebamu ku bamaze okutuuka mu Ggwanga okwetaba mu lukuŋŋaana lwa G-25 African Coffee Summit olugenda okuyindira ku Speke Resort Hotel e Munyonyo.
Olukuŋŋaana luno lugendereddwamu okutumbula ekirime ky’emmwanyi ku Ssemazinga wa Afirika n’okuggumiza enkolagana mu Mawanga gano.