Abasawo ku ddwaliro ekkulu e Mityana basongeddwamu olunwe ku kufa kw’omukyala eyafudde nga yaakamala okuzaala.
Omusasi waffe Balikuddembe e Mityana atutegeezezza nti abantu naddala abakyala bakedde kuzinda ddwaliro lino nga beekalakaasa, nga bavumirira eky’abasawo ku ddwaliro okuba abalagajjavu eri abalwadde.
Nansubuga Angel nga abadde mutuuze ku kyalo Baamunaanika mu Disitulikiti y’ e Mityana yamalirizza okuzaala n’avaamu omusaayi mungi wabula abasawo nebasaba 5000 okugula eddagala eriziyiza omusaayi nga tazirina era waayise eddakiika mbale n’aserengeta ekalannamo . Kitalo.