Abasuubuzi abakolera mu katale k’e Kasubi mu Divizoni y’e Lubaga batiisatiisizza okuguguba okugenda mu kifo ekirala ekisangibwa e Namungoona KCCA gyeyabagulira ettaka kwebalina okuteeka akatale kisobozese okukola oluguudo oluva e Bakuli okudda e Kasubi
Bano bakalambira nti oluguudo olugenda mu kifo gyebatadde akatale kaguudo katono nnyo nga kiyinza n’okubaviirako obufuna ba kkasitoma okukkakkana nga baviiriddemu awo ng’ayokya omusota.
Kiri mu nteekateeka za KCCA okuddaabiriza oluguudo oluva ewa Bakuli okudda e Kasubi (Hoima road) era nga kino kyatandika dda nga mu buli ngeri akatale kano kaba kalina okuggyibwawo kadde mu kifo ekirala wabula nga bo abasuubuzi mu katale kano bagamba nti akatale kano kasaana kusigala mu Kasubi omwo mwennyini kubanga ababagulako mwenamanyi.