Omwogezi wa Uganda Police Force CP Fred Enanga; “Poliisi mu ttunduttundu lya KMP North ne Nansana Division eyise abategesi b’ekivvulu kya Ssenga Mulongo Babirye, ekyabadde ku Holly Farm Hotel, e Nansana, nga tebafunye lukusa okuva ewa RPC oba DPC.
Okusinziira ku kifo kya Woteeri, ebbanga eririwo lyabadde terimala kutuuza bantu 6000 n’abagenyi wamu n’ekifo awateekebwa emotoka.
Abategesi ku Holly Farm wamu ne Ssenga Mulongo Babirye, tebabadde nateekateeka ku ngeri gyebayinza okutaasaamu abantu singa wabaawo obuzibu bwonna wamu ne parking.
Tuzze tulaba abayimbi n’abazinyi nga benyigira mukusikiriza abadigize okukola ebikolwa ebyakabenje ku siteegi ebiyinza okuviirako abawagizi okutabuka omuli okweyambulira ku siteegi n’oluvannyuma nebabuuka nebaggwa mu bawagizi.
Nabwekityo twagala okujjukiza abategesi b’ebivvulu wamu ne bannanyini bifu okuli woteeri nti balina okufaayo okukoma ku badigize okwewala ebiyinza okuvaamu.”