Abavubuka babiri abakwatibwa kubigambibwa nti bandiba nga bebatemula omusuubuzi Archie Rwego e Najjeera ku kyalo Mukutugumu basindikiddwa ku alimanda e Luzira.
Johnson Kisuule aka Mohammed Kisaakye Johnny (22), Abdul Luyombo (24) basimbiddwa my maaso g’omulamuzi wa Kkooti y’e Kira. Bano babuuka ekikomera nebayingira nebafumita Archie ebiso nebabba TV wamu n’emitwalo asatu.
John Kisuule yakwatibwa oluvannyuma lw’okumusanga n’ebiwundu mu ngalo wamu nenkwagulo mu bulago.
Abdul Luyombo yakwatibwa Magamaga e Jjaja we gyeyali yekwese nga alindirira okwolekera e Mayuge gyebamugamba nti waliyo omusawo eyali ow’okusiba omusango ggwe. Ye munaabwe amannyiddwa nga Papa yadduka era anoonyezebwa.