Abayizi babiri bakwatiddwa Poliisi oluvannyuma lw’okukuba olukungaana lwabannamawulire okwogera ku kwongeza kw’ebisale bya University ye Makerere wamu n’okuwakanya okulonda kwa ba Ssentebe b’ebyalo okwa LC1 nga basaba kwongezebweyo okutuuka ng’abayizi bakomyewo okuva mu luwumula mu gw’omunaana.
Kihingi Edmond nga ono yakulira ekibinja ky’abayizi b’ekibiina kya FDC ne munne Obed Derrick bebadde bakubye olukungaana luno wabula nebakwatibwa Poliisi y’omu University ye Makerere olw’okukuba olukiiko olutali mu mateeka.
