Namukose Jennipher ow’emyaka 20 nga mutuuze ku luguudo lwa Obojja mu kibuga Jinja akulukusa maziga ku ddwaliro lya Gavumenti e Jinja lwa mwana we ow’olunaku olumu gw’abadde yaakazala okubbibwa.
Omusasi waffe oluuyi olwo Rogers Kiduma bw’atuuse ku Namukose abadde akaaba aga jululu amutegeezezza nti baamukwata bukwasi okufuna olubuto lw’omwana oyo abbiddwa era n’asaba okuyambibwa mu ngeri yonna esoboka afune omwana we .
Wabula babadde bakyali ku oyo ate n’ewamatukayo omukazi Zaina Magomu ow’emyaka 27 nga naye abanja omwana we eyabula ku ddwaliro lino lyalimu mu mwezi gwokubiri .