Omumyuuka w’omwogezi wa Uganda Police Force owa Kampala Metropolitan Police Luke Owoyesigyire avuddeyo nategeeza nga Poliisi y’e Katwe bwetandise okunoonyereza ku byabaddewo omwabadde n’okutomera emotoka nnamba UBK123C mu bugenderevu ngeno ya Andrew Mukasa aka Bajjo. Bino byabaddewo olunaku lw’eggulo ku ssaawa nga kumi na bbiri ezoolweggulo mu Kirudu zone, Luwafu Parish, Makindye Division, mu Kampala, ku kigobero kya Bajjo.
Abakoze kino babadde bakulembeddwamu Mugwanya Patrick aka Alien skin ug nga babadde bagezaako okukuba Bajjo. Bajjo yasobodde okwerwanako nga akozesa pepper spray era bweyabadde abetaakuluzaako emotoka ye yayonooneddwa. Mu kavuvungano kano Omukuumi wa kkampuni ya Caltec Security Company Okalebo Vincent, basowaganye n’ekibinja kya Alien Skin okukakana nga akubye amasasi agayonoonye emotoka.
Poliisi yakutte omukuumi ono wamu ne Ibra Kabadia okuyamba ku Poliisi mu kunoonyereza.
Ye Alien Skin yadduse ku Poliisi bweyabadde ezze okukakkanya embeera wabula nga anoonyezebwa ne banne beyabadde nabo bavunaanibwa ogwokwonoona emotoka ya Bajjo. Poliisi erabudde Alien Skin ne banne okwewala okukozesa effujjo wamu n’okutabangula emirembe gyabalala.
Alien Skin Poliisi emuyigga – Luke Owoyesigyire
