Abatuuze Ku kyalo Naluvule mu muluka gw’e manyanjiri mu gombolola y’e Nakisunga basula ku tebuukye oluvanyuma lw’abagagga abefunyiridde okubatwalako Ettaka lyabwe.
Mu bano mwemuli kampuni ensubuuzi ye ttaka eya Jomayi Property Consultants wamu ne ginayo eya Ssema Properties abagambibwa okugula ekyalo kino ekiwerako amaka bitaano mu nkaga (560).
Abatuuze bagamba nti Jomayi yabakozesa endagaano nga eyalina yiika ekumi nebiri nga amulekerako yiika ssatu nga abasuubizza okubawa ebyapa wabula nabulikati teri kyakoledwa.
Ssentebe we kyalo kino Lwanga Abdul agamba bafunye amawulire nti ate waliwo omugagga omulala eyaguze ekyalo kino kyokka nga eyasooka tabawanga byapa byabwe wabula bwe bagenze ewa RDC w’e mukono Hajji Nasser Munulo yabategezeza nti eyaguze ekyalo kino yakigulidde ku internet ekintu ekyatabudde ekyalo nebatuuka n’okuwandikira RDC nga bamugaana okulinya kukyalo kyabwe.