Abantu abenjawulo bakyalidde ku mubaka Malende
Abantu abenjawulo batuuseeko mu Ddwaliro e Nsambya okukyalira ku Mubaka omukyala owa Kampala Shamim Malende ali mu kujanjabwa oluvannyuma lwokulumizibwa mu kavuvungano akaliiwo mu Palamenti wiiki eno bweyasikasikanyizibwa abagambibwa okubeera abebyokwerinda. #ffemmwemmweffe
Mwenyigire mu byobufuzi bwemuba mwagala okukyuusa Eggwanga lyammwe – Bobi Wine
Olunaku olwaleero nga bwerubadde mu bifaananyi Bannakibiina kya National Unity Platform nga batalaaga Disitulikiti ye Soroti. Omukulembeze wa NUP Kyagulanyi Ssentamu Robert aka Bobi Wine akiikidde Uganda Police Force gyagambye nti ebasindirizza nebagoba ku nguudo mwasanjala nebayisa eya mu byalo nti wabula kino tekirobedde bawagizi baabwe kubeyungako. #ffemmwemmweffe
Mwongere okulumya abatulinako ensaalwa – Minisita Joseph Kawuki
Minisita Joseph Kawuki Bwabadde alambika abaami ba Kabaka abaggya wamu n’abantu abeetabye mu ttabamiruka w’amaserengeta ga Africa Cape Town, Oweek. Joseph Kawuki agambye nti bangi abalaba ebintu Buganda byekola nebasalawo okubyogerera amafukuule n’ekigendererwa ekyokusuula Buganda, bano abasekeredde n’agamba nti omukisa gujjira yetegese era bwotuuulira nnamungi w’omuntu eyetabye mu ttabamiruka ono kabonero akalaga nti Buganda lwazi. […]
Zaake alina okunetondera kuba muto ku nze – Hon. Akol
Omubaka akiikirira Kilak North Anthony Akol; “Ndi muntumulamu nnyo naye bwonumbagana obeera nga alumbye enjovu. Kyekintu kyekimu ekyatuuka ku Odonga Otto bweyansamba era kyekyatuuse nekwono omusajja eyabadde agezaako okunsitula n’okunsindika. Amazima nsuubira MP Zaake Francis Butebi okuvaayo anetondere kuba muto ku nze. Mu buwangwa bwaffe omuntu omukulu bwaba atudde olina okumuwa ekitiibwa.” #ffemmwemmweffe
Abalonzi ba Zaake baneebazizza okumutimpula – Hon. Akol
Omubaka akiikirira Kilak North Anthony Akol avuddeyo neyewuunya engeri Omubaka Munnakibiina kya National Unity Platform akiikirira Mityana Minicipality Zaake Butebi gyeyatuuseemu okuweebwa ekitanda mu Ddwaliro e Nsambya ngagamba nti oluvannyuma lwakavuvuŋŋano akaliiwo mu Palamenti. Akol agamba nti yaleka Zaake ayimiridde era nga abuukabuuka wabula alowooza nti wandiba nga waliwo abantu abakozesa akakisa ako nebatuusa ku […]
Eyaliisa omwana obubi bamusibye emyaka 35
Namwanje Stella 33 ngono yeyaliisa omwana empita mbi ssaako n’okumunyweesa omusulo eyalabikira mu katambi, Omulamuzi wa Kkooti Ento e Masaka Aloysius Natwijuka Baryeza amuwadde ekibonerezo kyakusibwa emyaka 35. Omulamuzi ategeezezza nti ono aweereddwa ekibonerezo ekikakali asobole okubeera ekyokulabirako. #ffemmwemmweffe
Abasomesa 2 basimbiddwa mwaka lwa kubba bigezo bya P7
Omulamuzi w’Eddaala erisooka owa Kkooti y’e Kira olunaku olwaleero asindise Abasomesa 2, Albert Pabeku ne Vincent Muheki mu kkomera ku bigambibwa nti bakirizza okusangibwa n’ebigezo by’ekibiina ekyomusanvu ebyomwaka 2024. Bano abawadde ekibonerezo kyakusibwa omwaka 1 n’emyezi 2 oba okusasula engasi ya bukadde 5. Bano babadde ba mmemba ku mukutu gwa WhatsApp ogwatuumiddwa “Final Cake 2024.” […]
Don Nasser aziddwayo e Luzira
Omuvubuka omwegyaasi w’omu Kampala amanyiddwa ennyo nga Don Nasser akomezeddwawo mu Kkooti enkya yaleero era oludda oluwaabi nerutegeeza nga bwerumaze okukola okunoonyereza ku musango gwokukusa abantu. Oludda oluwaabi lusabye ono asindikibwe mu Kkooti Enkulu atandike okuvunaanibwa nga 25-November terunayita. Ono aziddwayo ku alimanda ate ye munne nayimbulwa oluvannyuma lwokukirizibwa okweyimirirwa Kkooti ya International Crimes Division. […]
Kabushenga bamusudde ettale ku kifo kya ED KCCA
Robert Kabushenga avuddeyo ku mukutu gwe ogwa X; “Ntegeezeddwa akakiiko akavunaanyizibwa ku kugaba emirimu gya Gavumenti nti situukiriza bisaanyizo bitandikirwako ku kifo kya Ssenkulu w’ekitongole ekivunaanyizibwa ku Kibuga Kampala ekya Kampala Capital City Authority – KCCA. Sirina ddiguli yakubiri, nabwekityo sijja kulabikira ku lukalala lwabo abasunsuddwamu. Nsiima nnyo abo bonna abanjagaliza omulimu guno n’obuwagizi bwammwe.” […]
