Pulezidenti Yoweri Kaguta Museveni avuddeyo nalagira Minisitule y’Ebyensimbi mu Ggwanga okunoonya mubunnambiro ensimbi obuwumbi 630 ziyambeko okukola ku kasiimo k’abasirikale ba UPDF 34 abagenda okuwummuzibwa wamu n’okwongeza abamaggye emisaala nga bwekyayisiddwa.
Mu Bannamaggye abagenda okuwummuzibwa kuliko, Gen. David Ssejusa, Gen. Elly Tumwine, Lt. Gen. Proscovia Nalweyiso, Lt. Gen. Andrew Gutti n’abalala.
Pulezidenti Museveni agamba nti Bannamaggye bano basaanye okuwummula mu bitiibwa kuba befiiriza bingi nga balwana okununula Eggwanga nga newebakwatira obuyinza tebaalina kya bugagga kyonna nga obulamu bwabwe babumaze baweereza lwa mutima gwa Ggwanga.