Andrew Mukasa aka Bajjo Eventz Clear Process eyakwatibwa ku lw’omukaaga aleeteddwa ku kitebe kya SIU e Kireka. Munnamateeka we Erias Lukwago abaddewo. Kigambibwa nti akunyiziddwa ku katambi ka vidiyo keyalimu nga akakasa Bannayuganda nga bwebasobola okusuula Gavumenti ya Pulezidenti Yoweri Kaguta Museveni nga 2021 tegunatuuka.
Aguddwako omusango gw’okukuma mu bantu omuliro wamu ng’ogwokukozesa obubi yintanenti era naganiibwa okweyimirirwa. Ne munne Abbey Musinguzi aka Abtex naye akwatiddwamu essaawa eziwerako e Kireka wabula oluvannyuma nateebwa.