Abantu 5 abakwatibwa ku byekuusa ku kutemula eyali omukulu w’Ekika ky’Endiga Eng. Daniel Bbosa Kakeedo bavuddeyo nebasaba omulamuzi wa Kkooti ya Mwanga II okubayimbula kuba agambibwa okutegeka olukwe luno lwonna yakwatibwa era nakiriza nti yeyali omutwe omukulu mu kino. Bano bagamba nti bbo tebalina musango nti era tekiba kyabwenkanya okubakuumira mu kkomera sso nga balina famire ento ezokulabirira.
Okusaba kwabwe kuwagiddwa Luggya Tabula ategeezezza omulamuzi w’eddaala erisooka Adams Byarugaba nti yadde 5 bano ba luganda lwe naye tebalina musango okuleka kizibwe we Luggya gwagamba nti gweyasindika okutta Eng. Kakeedo.
Omulamuzi wabula bano abategeezezza nti Kkooti ye terina buyinza buwulira musango guno nti era Kkooti Enkulu yerina okusalawo oba nga bano balina omusango oba nedda nga bano bakusindikibwayo nga 24-October. Baziddwayo ku alimanda mu kkomera e Luzira.
Bya Chrisitina Nabatanzi
#ffemmwemmweffe