Resident Senior State Attorney owa Disitulikiti y’e Gulu Omia Patrick avuddeyo n’emisango emiggya ku Babaka okuli Robert Kyagulanyi Ssentamu aka Bobi Wine, MP Zaake Francis Butebi, Kassiano Ezati Wadri Mike Mabikke, Karuhanga Gerlad, Paul Mwiru wamu n’abantu abavunaanibwa okukuba emotoka y’omukulembeze w’eggwanga ejjinja eryayasa endabirwamu yaayo nga 13 – August – 2018 mu Arua Municipality.
Omuwaabi wa Gavumenti agamba nti bano baali bagenderedde okunyiiza omukulembeze w’eggwanga nga bakakanya ekitiibwa kye ng’Omukulembeze w’eggwanga nga baziba ekubo okulemesa emotoka ze okuyitawo so nga alina eddembe okuweebwa ekubo okuyitawo.