Akakiiko akateekebwawo Pulezidenti Museveni okunoonyereza ku bivaako okwekalakaasa kw’abayizi mu Makerere Yunivasite kalagidde waabeewo okubala buli muyizi mu Yunivasite kibasobozese okumanya omuwendo gw’abayizi omutuufu.
Okusinziira ku kiwandiiko ekyafulimizibwa Academic Registrar wa Yunivasite, Alfred Masikye Namoah ku lwokubiri lwa ssabbiiti eno, okubala buli mutwe gwa muyizi kugenda kutandika ku bbalaza nga 23 Gatonya , 2017.
Namoah agamba nti abayizi bonna balina okubaawo mu buntu ate mu bifo mwebanaaba balagiddwa okubeera. Abayizi abakadde balagiddwa okuba ne Densite zaabwe, empapula kwebaaweelwa ebifo ate abayizi abapya balina okuba n’empapula kwebeewandiisiza, kwebaaweelwa ebifo, Densite y’essomero lya Secondale oba n’endaga muntu.
Wabula Namoah asabye abayizi okujjumbira enteekateeka eno era n’abalabula nti oyo yenna ataabalibwe waakuwanduukululwa mu biwandiiko bya Yunivasite.