Minisita omubeezi avunaanyizibwa ku nsonga z’omunda mu Ggwanga Gen. David Muhoozi bw’abadde ayanukula okuddamu okukoleddwa akulira oludda oluwabula Gavumenti mu Palamenti, Hon. Mathias Mpuuga Nsamba ku alipoota ekwata ku kiwamba bantu gyeyayanjulira Palamenti gyebuvuddeko, asabye oyo yenna awulira nga si mumativu ne alipoota gyeyayanjula yeyambise amakubo amalala kuba alipoota gyeyawa yeyenkomeredde.

Major Charles Kabona, omwogezi w’ekibinja kua UPDF Infantry ekisooka akakasizza nti wabaddewo okubwatuka kwa bbomu enkolerere mu Mayor Zone, Kikubamutwe-Kabalagala mu Divizoni y’e Makindye ekiro kyajjo. Ono agamba nti waliwo ekisuubirwa okubeera bbomu e Nansana.

Omwogezi wa Uganda Police Force SCP Fred Enanga avuddeyo nategeeza ebitongole byebyokwerinda ebyegattira awamu okulwanyisa obutujju okuli CMI, ISO, CT ne CI bwetandise omuyiggo ogwamaanyi ku bagambibwa okubeera abajambula ba ADF abomutawaana ku kigambibwa nti balina omukono mu bulumbaganyi bwa bbomu ekolerere mu bulumbaganyi obuzze bukolebwa mu Kibuga Kampala wamu ne mu Disitulikiti y’e Butambala, e Kasese ne Bundibugyo ku nsalo ya Uganda ne Democratic Republic of the Congo. Enanga agamba nti ekigendererwa kyabatujju bano kwekutta Bannayuganda wamu n’okuteekawo okutya mu Ggwanga.

Maama Nnaabagereka Sylivia Nagginda, ali mu bitundu bye Bwindi eyo alambula ekkuumiro ly’ebisolo erya Bwindi Impenetrable National Park. Ali wamu n’omulwanirizi w’eddembe ly’ebisolo Dr. Gladys Kalema Zikusooka.

Munnamawulire wa Luboggola Simba Martin Amayiko Kigongo olunaku olwaleero awangudde engule ya Munnamawulire asinze okusaka amawulire ga Radio agalina kyegongera ku muntu wabulijjo mu kisaawe ky’obutonde bwensi mu 2023 Population and Development Annual Media Awards. Engule emuweereddwa aba National Population Council.
Emboozi zeyakola ku kitundu ky’e Kikandwa (Kasejjere) ngettotola ku ngeri gyebayonoonamu obutonde bwensi, ebyabatuukako oluvannyuma lwokwonoona obutonde bwensi, na kiki kyebakola okubuzzaawo. Tusiima nnyo Farm Radio International – Radios Rurales Internationales eyavujjirira Program ku Simba netusobozesa okukutuusaako emboozi eno.