#SimbaSportsUpdates;
Ekibiina ekitwala omupiira ogw’ebigere mu ggwanga ekya Federation of Uganda Football Associations (FUFA) kivuddeyo nekifulumya ekiwandiiko nga kiraga nga abadde omutendesi wa ttiimu y’eggwanga Desabre Sébastien (officiel) Serge Louis bwebatuuse kunzikiriziganya nebasazaamu kontulakiti ye.
“Nga 6 – July – 2019, FUFA n’abadde Omutendesi wa ttiimu y’eggwanga Omw. Desabre Sebastien Serge Louis twatuuse kunzikiriziganya awatali kukaka muntu yenna netusazaamu kontulakiti wakati waffe naye.
Ensonga ezavuddeko okusazaamu kontulakiti eno ziyamba enjuyi zombi okwongera okwekulaakulanya.
FUFA essiima nnyo emirimu wamu n’ebirungi Desabre byakoze okulaba nga omupiira gukula mu ggwanga wamu n’ettimu y’eggwanga omwali n’okutusobozesa okukiika mu kikopo kya AFCON 2019 wamu n’okututuusa ku mutendera gwa ttiimu e 16.
Desabre asiimye nnyo Bannayuganda wamu ne Gavumenti ya Uganda, FUFA, abavujjirizi b’ensumbi, abakozi wamu n’abazannyi abamusobozesezza okutuukiriza emirimu gye ng’Omutendesi wa ttiimu y’eggwanga.”
“It is our Game, It is Our Country.”