Eyaliko omusomesa mu ssettendekero wa Makerere Yunivasite, Dr. Stella Nyanzi yeerayiridde obutakkiriza Gavumenti kumulinnyako .
Kino kijjidde mu kissera nga Dr. Stella Nyanzi yayitiddwa Police olw’okukozesa olulimi oluvuma nga yeeyambisa emitimbagano gya Yintaneti gamba ”Social Media” nga ebigambo bino kigambibwa nti bityoboola Muka omukulemeze w’eggwanga ate Minisita avunaanyizibwa ku byenjigiriza, Janet Kataha Museveni, nga okwogera bino yali ayanukula oluvannyuma lwa Janet Kataha Museveni okutegeeza Palamenti nga Gavumenti bwetalina nsimbi kugulira bayizi baabuwala ndoobe (Pads), oluvannyuma lw’ekiteeso ekyaleetebwa nga kino yoomu ku kaweefube w’okukendeeza ku baana abawala abawanduka mu masomero .
Wabula Dr. Nyanzi bwabadde ayogerako eri abaamawulire nga yaakamala okulabikako eri ekitongole ekikola ku kunoonyereza ku buzzi bw’emisango e Kibuli, gyayitiddwa olunaku olwaleero okulabikako eri amyuka akulira ekitongole ekikola ku kunoonyereza ku buzzi bw’emisango Joseph Obona , Nyanzi agamba nti ye talina kikyamu kyonna kyeyakoze olwokwogerako nti muka omukulembeze w’eggwanga alemereddwa okukola omulimu gwe .
Nyanzi okuggya ku kitebe awerekeddwakko eb’ebitongole ebirwanirira eddembe ly’abakyala .