Ssaabawaabi wa Gavumenti alagidde Mathew Kanyamunyu, muganziwe Cynthia Munwangali ne mu mukulu we Joseph Kanyamunyu babe nga basindikibwa mu kkooti enkulu gyebaba bavunaanibwa emisango egyekuusa ku kutemula Kenneth Akena.
Empapula ezisindika abantu bano mu kkooti enkulu zireeteddwa era neziweebwa omulamuzi w’eddaala erisooka mu kkooti e Nakawa, Noah Ssajjabi okuva eri omuwaabi wa Gavumenti Doreen Erima.
Omuwaabi wa Gavumenti agamba nti obujulizi obuliwo bumala bulungi okuluma abawawaabirwa ku musago ogwazzibwa nga 12, Museene omwaka ogwaggwa ku luguudo lwa Jinja nga Kanyamunyu agambibwa okukuba Keneth Akena amasasi oluvannyuma lw’okukolobola emmotoka ye .
Mathew Kanyamunyu ne banne bwebavunaanibwa bazziddwayo ku alimanda e Luzira okutuusa ku lunaku olunassibwawo okulabikako mu kkooti enkulu.