Minisita w’ebyobulamu Dr. Jane Ruth Aceng Ocero avuddeyo nategeeza nga Gavumenti ya Yuganda bweyimirizza ennyonyi zonna ezabasaabaze okuva e Buyindi okuddamu okujja mu Yuganda. Ategeezezza nti ekiragiro kino kitandikirawo mu kiro ekikeesa olunaku olw’enkya ku ssaawa mukaaga ogw’ekiro nga 1-May-2021.
Kino kidiridde ekirwadde kya #COVID-19 okuddamu okusitula enkuudi mu Ggwanga lya Buyindi nga n’abayizi 3 okuva ku Ssomero lya Agha Khan ababadde bakadda okuva e Buyindi mu luwummula bakebereddwa nebasangibwa n’ekirwadde kino.