Omulamuzi wa Kkooti y’Eddaala erisooka etuula e Nabweru alagidde omukyala Amina Nalwadda okusasula engasi ya bukadde 4 mu emitwalo 80 lwakupangisa muyizi, Emmanuel Bagenda ali mu S.3 ku ssomero lya St Janan Luwum Secondary School atuulire muwala we Hyuda Namuwonge ow’essomero lya Kawempe Standard Secondary School ebigezo bya S.4 ebigenda maaso.
Nalwadda yasasula Bagenda emitwalo 350,000 nga bano okukwatibwa kyadirira omulambuzi wamasomero agali mu bigezo okusanga ekigezo kya Bagenda nga kiriko erinnya lya Namuwonge. Omulamuzi agambye nti amuwadde ekibonerezo kino n’abasuubira okukikola bafune ekyokuyiga.