Nga okuwenja akalulu k’omubaka mu Palamenti ow’essaza ly’e Kagoma kukomekkerezeddwa akawungeezi ka leero, Dr.Kizza Besigye asinzidde ku ssomero lya Butagaya Primary School e Kagoma n’asaba abalonzi okulonda munna FDC kubanga FDC yokka yeekyasobola okugatta Bannayuganda .
Besigye akkaatirizza nga Gavumenti ya NRM bwetalina kyeyali ekoze okuva lweyaggya mu buyinza nga n’emyaka egisoba mu 30 gyekwatidde enkasi eziise buziisi Yuganda n’ekamala bukamazi.
“Emyaka 31 buli omu yenna akaaba bwavu, mu malwaliro temuli ddagala, buli lunaku abakyala 19 bafa nga bazaala”.Dr. Kizza Besigye