Ssentebe wa Buganda Twezimbe John Fred Kiyimba Freeman wamu n’ab’omumakaage, beebazizza Katonda olw’okumuwonya akabenje k’eryato akaaliwo nga 24 November, omwafiira abantu abawerako. Omusumba w’essaza lye Mityana Kazimba Mugalu, yaakulembeddemu okusaba okubadde mu maka ga Freeman e Lungujja mu Lubaga. Bishop Kazimba asabye abantu balokoke beekwasa Mukama mu nteekateeka zaabwe zonna zebakola. Okusaba kwetabiddwa Omukubiriza w’olukiiko lwa Buganda Oweek Nelson Kawalya, omuwanika wa Buganda Robert Waggwa Nsibirwa, Baminisita ba Kabaka abawerako, Ssaabalangira Godfrey Musanje, Abaami b’amasaza, bannabyabufuzi okuva mu Gavumenti eya wakati nga bakulembeddwamu Hon. Ruth Nankabirwa. Kinajjukirwa nti abantu abawerako bafiira mu kabenje k’eryato ku Nnyanja Nnalubaale nga muno mwalimu ne memba ku lukiiko lwa Buganda Twezimbe kati omugenzi Yoweri Musisi.
Freeman yebazizza katonda
