Eyaakalangirirwa ku bwa Pulezidenti mu kisanja ekiddako eky’emyaka etaano okuweza 35 ku ntebe y’eggwanga Yoweri Kaguta Museveni agamba nti Gavumenti okuggyako emikutu gya Yintaneeti kintu kitono nnyo era esobola okukola n’ekisingawo.
Museveni agamba nti waabaddewo enteekateeka ya Col Dr. Kizza Besigye okwerangirira ng’akozesa Yintaneeti. Pulezidenti ayongerako nti Gavumenti tezannyirwako.
Bino Pulezidenti Museveni abyogeredde mu lukungaana lwa bannamawulire lw’atuuzizza e Rwakitula mu maka g’obwa Pulezidenti.