Eggye ly’Eggwanga erya Uganda Peoples’ Defence Forces – UPDF livuddeyo nerifulumya enteekateeka y’okuziika omugenzi Maj. Gen. Ggawaleggalabi Waswa Samwiri Kasirye Ggwanga eyafa nga 9-June-2020 mu Ddwaliro e Nakasero.
Gen. Kasirye wakuziikibwa olunaku lw’enkya ku ssaawa nnya ez’okumakya (10am) ku kyalo Nkene, e Busujju mu Disitulikiti y’e Mityana. Ono wakuziikibwa mu ngeri eri ‘scientific’ nga abantu batono nnyo bebagenda okukirizibwa okwetaba mu kuziika naddala ab’oluganda lwe. Eggye lya UPDF wamu n’ebitongole by’ebyokwerinda ebirala byakubeerawo okuteekesa ebiragiro byonna mu nkola naddala eby’okuziyiza okusaasana kw’ekirwadde kya #COVID-19.
UPDF egamba nti tesuubirayo nkungaana zangeri yonna era bakugoberera ekiragiro kya ‘Social Distancing’. Bannamawulire okuva mu kkampuni 2 zokka bebakiriziddwa okubeerayo okuweereza amaziika ga Gen. Kasirye n’abalala kwebanabifunira.
Gen. Kasirye Ggwanga wakuziikibwa enkya ssaawa 4 ez’okumakya
