Omumyuuka wa IGG Patricia Ochan bwabadde ayogerako eri Bannamawulire ayanukudde Ssentebe wa COSASE Joel Ssenyonyi namutegeeza nti okusinziira ku tteeka lya Inspectorate of Government Act, IGG tewali werimwetaagisizza kunnyonyola Bannayuganda lwaki aba asazeewo okuggya emisango ku muntu omu.
Ochan era awolerezza ekya IGG okuggya emisango ku Ebiru nategeeza nti COSASE yawaayo ebyo byokka ebyali mu ntuula zaayo nga tekuli bujulizi buluma ba mmemba bboodi nga bulaga nti basaba enguzi oba n’obwo obuyinza okulaga nti ddala ssente bazifuna ekya kifuula ekizibu eri IGG okugenda mu maaso n’emisango gyokugaba enguzi.