Palamenti y’eggwanga lyattu Yuganda egamba nti eri mu nteekateeka ez’okuzimba eddwaliro ery’etongodde erigenda okujjanjaba ekirwadde ky’ekikulukuto (Fistula) .
Enteekateeka eno yalangiriddwa Sipiika wa Palamenti Rebecca Alitwala Kadaga nga yasinzidde mu lukungaana lwa Bannayuganda abali mu kitundu eky’obukiika kkono bwa America (UNNA) olwatudde e Miami Florida.
Kadaga yagambye nti oluusi abantu banenya Palamenti olw’okutinddigga engendo n’ egenda okwetaba mu lukungaana nga luno naye ate kino kiyamba kubanga eno basakayo obuyambi okuzimba amalwaliro ate n’okuyambako mu bizibu by’eggwanga ebitali bimu.
Eddwaliro lino ligenda kuzimbibwa mu bitundu by’e Soroti .