Sipiika wa Palamenti Rebecca Alitwala Kadaga asuubizza okugoberera ku ky'emisolo egibinikibwa amatendekero ag'obwannannyini.
Kadaga okwogera bino kiddiridde nannyini ttendekero erya St. Elizabeth Institute of Health Professionals Mukono Dr. Paul Ssebaggala okumulaajanira nga emisoso gy'emisolo egiyitiridde bwegibatuuse mu bulago ekiyinza okubaviirako okukola obubi so nga ate bayamba ku Gavumenti okugiweereza abakozi abalungi.
Kadaga mu kwanukula asuubizza nga bw'agenda okugenda mu kakiiko ka Palamenti akavunaanyizibwa ku misolo mu akole okunoonyereza kubanga ekintu kino baakyogerako dda mu Palamenti.
Bino Kadaga abyogede bw'abadde atikkira abayizi abaweredde ddala 465 nga bano bonna bakuguse mu busawo.