Enkya ya leero, Katikkiro Charles Peter Mayiga alinnye train n’ayolekera e Gothenburg, ekibuga ekiddirira Stockholm mu bunene e Sweden.
Ku lugendo lw’e Gothenburg, Katikkiro abadde n’ekibinja ky’abaweereza b’Obwakabaka okuli; Owek. Prosperous Nankindu Kavuma, Owek. Joseph Kawuki; Owek. Nelson Mugenyi omubaka wa Kabaka e Scandinavia; Owek. Hasifah Nalweyiso; Omuk. David Ntege; Simon Kaboggoza, Kawooya Mwebe, Muky. Allen Namukasa n’abalala.
Ayaniriziddwa Mw. Lameck Kabega,atwala eby’abagenyi ku lukiiko lw’e Scandinavia era nga abeera Gothenburg ng’ali wamu ne Pastor Belton Mubiru, n’oluvannyuma n’alambuzibwa kkampuni ekola emmotoka eza VOLVO.
Olweggulo lwa leero, Katikkiro asuubirwa okusisinkana Bannayuganda ababeera e Gothenburg, ku Backvagen.