Katikkiro wa Buganda Charles Peter Mayiga asabye Pulezidenti Museveni okulekeraayo okunenya wamu n’okutiisatiisa emikutu gy’amawulire gattako abo abawakanya eky’okuggya ekkomo ku myaka gy’omukulembeze w’eggwanga .
Ng’asinziira mu Lukiiko lwa Buganda e Bulange Mengo olutudde enkya ya leero, Mayiga agamba nti Pulezidenti ne Gavumenti okutwalira awamu yaalibadde essira erissa ku kunnyonnyola ggwanga obulungi obuli mu nnongoosereza ku kuggya ekkomo ku myaka gya Pulezidenti mu kifo ky’okukozesa enkola y’okutiisatiisa .