Olunaku lw’eggulo Poliisi ng’eri wamu n’aba KCCA, bakedde kugobaganya basuubuzi bonna ababadde bakolera ku nguudo z’omu kibuga, mu kaweefube w’okuteeka mu nkola ekiragiro kya Minisita wa Kampala, Beti Namisango Kamya kyeyawa ssabiiti ewedde.
Ekikwekweto kino kyatandikidde wansi wa kibuga ewaakazibwako erya DownTown, nekiyita ku nguudo eziwera ate ne mu ppaaka ya takisi. Akulidde ekikwekweto kino Kituuma Rusoke, agamba nti bo nga poliisi baliwo kuteeka mu nkola biragiro ebiri mu mateeka.
