Kitalo!
Abasirikale ba Uganda Police Force babiri wamu n’omusibe bafiiridde mu kabenje e Magamaga ku luguudo oluva e Iganga okudda e Jinja enkya yaleero.
Emotoka ekika kya Premio nnamba UBF 837K silver ebadde evugibwa omuntu atanategeerekeka etomereganye bwenyi ku bwenyi ne tuleera nnamba KCQ 638C /ZC 738 Foton n’oluvannyuma nerumba kabangali ya Poliisi nnamba UP 7483.
Abafiiriddewo kubaddeko; D/ AIP Mawa Emmanuel nga akola mu General Crime ku kitebe kya CID, D/Sgt Magara Dick okuva mu General Crime ku kitebe kya CID ne Wadambwa phillip omusibe abadde atwalibwa. Akabenje kaguddewo ssaawa kumineemu ez’okumakya olwaleero.