Kkooti Ensukulumu olunaku olwaleero egaanyi okukwata okwemulugunya kwa Kyagulanyi Ssentamu Robert aka Bobi Wine Munnakibiina kya National Unity Platform (NUP) nga awakanya okulangirirwa kwa Pulezidenti Yoweri Kaguta Museveni ng’omuwanguzi w’akalulu ka 2021 olunaku olwaleero ku lwomukaaga.
Bannamateeka ba Kyagulanyi aba Wameli and Company Advocates babadde bawandiikidde omuwandiisi wa Kkooti ensukulumu nga baagala baweeyo okwemulugunya kwabwe olunaku olwaleero January 30, 2021 okusobola okukwata enaku 15 eziweebwa eziggwako ku Sunday nga 31-Jan-2021.
Omwogezi w’essiga eddamuzi, Jameson Karemani akakasizza okufuna okusaba kuno nategeeza nti wabula babawabudde bakuweeyo ku Monday. Wabula ebiwandiikiddwa ku Chief Justice Alfonse Owiny-Dollo nga biteekeddwa ku notice board alaga nti olunaku olusembayo okuwaayo okwemulugunya kukulonda lwa Sunday nga 31-Jan-2021, nabwekityo olunaku olunasembayo okuwaayo okwemulugunya lujja kubeera lwa Monday nga 1-Feb-2021.