Omusango ogwali guwabiddwa Bannayuganda nga guvunaana Kkampuni z’amasimu okuli Airtel, MTN ne Africell nga guwakanya okuggya omusolo ku mobile money gugobeddwa kkooti enkulu mu Kampala.
Nga 1-July, omusolo ogwa 1% ku nkola ya mobile money gwateekebwa mu nkola ekyaviirako Bannayuganda babiri okuddukira mu Kkooti nga bawaabira ekitongole ekisolooza omusolo mu ggwanga (URA) wamu ne kkampuni z’amasimu olwokusolooza omusolo guno.
Wabula Bannamateeka abawolereza URA bategezezza Kkooti enkulu nti Kkampuni z’amasimu zigibwe ku musango guno era n’omusango gugobwe kuba bbo bateeka biragiro mu nkola okuva mu Gavumenti ne URA bwatyo munnamateeka Ronald Baluku bweyategeezezza kkooti nga omusango gubadde guwulirwa omulamuzi Musa Ssekaana.
