Kkooti enkulu mu Kampala eragidde bbaasi abiri mumukaaga eza Pioneer Easy Buses ziboyebwe oluvannyuma lwabaddukanya bbaasi zino okulemererwa okusasula ebbanja lya bukadde 152.
Amyuka Registrar Muse Musimbi awadde bawannyondo ba Kkooti aba Libra Auctioneers nga bakulembeddwamu Bonny Rwamukaaga olukusa okubowa bbaasi zino era nga batandise ne Bbaasi Kkumi namukaaga ezasangiddwa ku Constitutional Square nezitwalibwa e Nansana wezinatundirwa ku nnyondo.
Charles Mushabe agamba nti yawa kkampuni ya Pioneer Easy Busy spare wa bbaasi abalirirwamu obukadde kikumi mu ataano era kkooti ye Nakawa yalagira Pioneer okumusasula wabula nebalemwa.