Omulamuzi wa Kkooti Enkulu mu Kampala Isaac Muwata olunaku olwaleero akirizza bawala b’omugenzi Katanga 2 okweyimirirwa ssaako omukozi wa waka George Amanyire ssaako n’omusawo Otai Charles.
Omulamuzi Muwata alagidde Patricia Kakwenza ne Martha Nkwanzi okusasula obukadde 2 ezobuliwo wamu n’okuwaayo ppaasippooti zaabwe eri Kkooti nga tebanayimbulwa. Omulamuzi alagidde bano 4 okulabikangako ewa Registrar wa Kkooti buli lwa mmande esooka mu wiiki.
Wabula Munnamateeka wabano Jet Tumwebaze agamba nti waliwo envunza eri mu offiisi ya DPP eyetaaga okutundula nekikwanso ekisingayo obunene. Ono agamba nti DPP affuuse munoonyereza nga atuuse n’okugenda mu makomera ngayagala abasibe bakyuuse sitaatimenti bakole eziruma banaabwe. Ono ayongerako nti batuuka n’okukyuusa omusibe nebamuggya e Luzira nebamutwala e Kiggo nga baagala akyuuse sitaatimenti gyeyakola ku Poliisi.
Bya Christine Nabatanzi
Leave a Reply
You must be logged in to post a comment.