Omulamuzi wa Kkooti enkulu mu Kampala Wilson Kwesiga enkya yaleero agobye okusaba kw’abantu bana abateberezebwa okuba nga bebatta Maj. Kiggundu ko n’omukuumi we Sgt. Steven Mukasa mu November w’omwaka oguyise.
Omulamuzi era awakanyizza ekyabavunaanibwa okugamba nti eddembe lyabwe ery’okuwozesebwa mubwangu era mu mateeka lyali lityoboddwa olw’ensonga nti basimbibwa mu kkooti nga 6 January ne mu May nga enaku ezibaweebwa ssemateeka 180 tezinaggwako.
Omulamuzi era agambye nti bano bakuwozesebwa ne mu kkooti ya International Crimes Division esuubirwa okutandika emirimu gyaayo mu myezi esatu mumaaso.
Abavunaanibwa kuliko; Sheik Yahaya Mwanje, Muhammad Buyondo, Ssekandi Musa ne Ssendegeya Abdul Wahab.