Kooti ento ku Buganda Road eyisizza ebibaluwa bi bakuntumye ku Msgr Expedito Magembe bwanamukulu wa Bukalango Mt Zion awerennembe n’emisango gy’okwekobaana okwonoona erinnya lya Faaza munne ( Kitaffe mu katonda )
Ebibaluwa bino bibakuntumye bufulumuziddwa omulamuzi wa kooti ento Suzan Anyeko nga biyita Msgr Magembe alabikeko mu kkoti n’abantu abalala musanvu nga 27 .05 . 2016 .
Abavunaanibwa abalala mulimu John Baptist Mukajanga omubuulizi e Bukalango ku Mt. Zion , Nathan Ssenkomago omukunngaanya w’amawulire mu lupapula olumu , Battulumaayo omudereeva wa Msgr Magembe, Annet Kaitesi nga ono yeekolera gigye ne Milly Kirungi omusomesa mu Najjanankumbi Junior School – ekibafuula okuwera omunaana .
Winnifred Nantongo ne Ssemei Wessali Maneja ku Telefaayina ya Delta bebaasooka okuvunaanibwa .
Omusango gulaga nti mu Gatonya w’omwaka guno abavunaanibwa baagezaako okuwa n’okufulumya amawulire g’obulimba ku muntu wa Katonda Faaza Jacinta Kibuuka n’ekigenderwa kyokuttattana erinnya rye nga bagamba nti yali yakabasanya Nantongo .
Nantongo era avunaanibwa omusango omulala ogwokuwa Police amawulire ag’obulimba ekikontana n’amateeka .