Ssenkaggale wa FDC Maj Gen. Mugisha Muntu asabye Banna Uganda okuggyako Gavumenti ya Pulezidenti Museveni amangu ddala bwebaba baagala okuganyulwa mu ssente eziva mu mafuta .
Muntu agamba nti omusimbi oguva mu mafuta ssibaakuguganyurwamu kubanga Gavumenti ejjudde ababbi abazirinze.
Bino abyogedde nga ali mu kaweefube we owokunooya obuwagizi akwatire ekibiina kye bendera y’obwa Pulezidenti mu kalulu akaggya aka 2016.
Ayongeddeko okutegeeza ba nna Busoga nti bakomye okuwagira Gavumenti ya Museveni kubanga tebalina kyebagifunyeemu emyaka gyonna.