Shamim Kyomuhendo, Mukyala w’omuyambi wa Kyagulanyi Ssentamu aka Bobi Wine era Munnakibiina kya National Unity Platform – NUP, David Bwanika Lule aka avuddeyo naddukira mu Kkooti Enkulu mu Kampala ngayagala ewalirize Gavumenti ya Yuganda wamu n’ebitongole byebyokwerinda okuleeta Davie nga mulamu oba mufu mu bwangu.
Kyomuhendo, nga mutuuze mu Ddungu Zone mu Disitulikiti y’e Wakiso agamba nti Davie yakwatibwa abasajja abatategeerekeka mu kiro ssaawa nga mukaaga nga 12, January – 2021, nebamutwala mu kifo ekitategeerekeka.
Bannamateeka be aba PACE Advocates bagamba nti Bwanika tatwalibwanga mu Kkooti okuva lweyakwatibwa ekirinyirira eddembe lye.
Kyomuhendo ayagala Kkooti ewalirize; Director-General owa Internal Security Organization – ISO, Inspector General of Police, Chief of Defence Forces, nakulira Chieftaincy of Military Intelligence okuleeta Bwanika mu Kkooti mangu ddala era basasulire n’ensimbi zakozesezza okuteekayo okusaba kuno.