#SimbaSportsUpdates;
Central Defender ku ttiimu y’eggwanga eya Uganda Cranes Murushid Jjuuko avuddeyo nalangirira nga bwawumudde omupiira ku ttiimu y’Eggwanga. Mu bbaluwa ye gyawandiikidde ekibiina ekitwala omupiira ogw’ebigere mu Ggwanga ekya Federation of Uganda Football Associations (FUFA) agamba nti asazeewo awummule omupiira ku ttiimu y’eggwanga wabula yenyumiriza nnyo mu mukisa ogumuweereddwa okuzannyira ttiimu y’eggwanga era kyamuyamba okutuukiriza ekirooto kye.
Ayongeddeko nti eggwanga alizannyidde ekimala era kekaseera awummule. Agamba nti tekibadde kyangu kusalawo kuwummula naye yebazizza nnyo famire ye n’abakulira omupiira mu ggwanga olw’obuwagizi bwebamuwadde.
Agamba nti ayagaliza Uganda Cranes birungi byokka era kati kayemalire ku kkiraabu ye eya Express Football Club.