MUSOOKA KUSALAWO WA GYANAZIIKIBWA OKUBAMUWA:
Uganda Police Force eya Kampala Metropolitan Police evuddeyo ku bibaddewo mukusabira Munnamateeka Bob Kasango; “Omugenzi Bob Kasango mwana muzaale w’e Tororo era nga yawasa Tooro. Olwaleero mu kusabira omwoyo ggwe ku All Saints Cathedral, Nakasero, abavubuka okuva e Tororo bazze nebatwala omubiri gw’omugenzi boolekere e Tororo okumuziika.
Mukyala we yabadde ategese ono aziikibwe e Tooro, wabula ab’oluganda lwa Bob nebakalambira nti omwana waabwe alina kuziikibwa Tororo. Omubiri gw’omugenzi bwegutwaliddwa Mukyala we nakubira Poliisi etandise omuyiggo era nebayimiriza e Namugongo mu Kira Municipality. Mpaawo muntu akwatiddwa era omubiri gw’omugenzi gukwasiddwa aba A-Plus funeral service okutuusa aba famire bwebanakiriziganya kugyalina okuziikibwa. Kati gukumiibwa Poliisi.”