Marvin Murungi omuyizi ku ssomero lya Dahuga Boys Primary School, Hoima bweyabadde asoma obubaka bw’abaana banne yagambye nti batya okugenda wamu n’okuva ku ssomero nga batya okubawamba.
Era yagambye nti bayizi banne abawala bangi bafumbizibwa bazadde baabwe nga bakyali bato olw;obwavu obukudde ejjembe mu ggwanga.
Yasabye okubawa obukuumi obumala okubataasa ku babawamba bwekiba nti baagala Uganda ekulaakulane.
Agnes Kabonesa okuva e Soroti nga ono y’omu kubaana abafumbizibwa nga bakyali bato yagambye nti bazadde baabwe bangi tebakyayagala kukola nga basuubira nti bajja kubafumbiza bafune ssente.
Violet Nanyonga okuva mu Kisiita Primary School yagambye nti Uganda yetaaga okuwa abaana okufuna omwagaanya basobole okwogera ebibaluma nga mpaawo abakuba ku mukono.
