Kyaddaaki MV Kalangala ezzeemu okusaabaza abantu olunaku olwaleero oluvannyuma lwokumala ebbanga lyanaku 40 ngeddaabirizibwa. Eno esaabaza abantu wakati wa Lutoboka-Nakiwogo.
Eno ebadde yakoma okusaabaza abantu nga 24-February lweyatwalibwa okudaabirizibwa nga bwekirina okubeera buli mwaka. Okusinziira ku Sadala Musoke, Chief Executive Officer owa Nation Oil Distributors Ltd, agamba nti MV Kalangala yayonooneka ng’ebula wiiki 2 olunaku lwerina okudaabirizibwa. Ono agumizza abasaabaze abagikozesa nti bagirongoosezza bulungi era yakubatambuza bulungi mu biseera bya Easter.