Eyaliko omumyuka w’omwogezi wa police Judith Nabakooba alaajanidde Pulezidenti Museveni akyuse RDC wa Mityana lwa kwenyigira mu byabufuzi ebyawulayawula.
Nabakooba alaajanye oluvannyuma lwa RDC ono Ltd. Joy Walusimbi kumulemesa kwogera mu lukungaana olwabadde e Ssekanyonyi omwayogereddwa abalala abeesimbyewo ku bifo ebirala nga Deborah Kinobe, Henry Kamya Makumbi.
Nabakooba yeesimbyewo ku kifo ky’omubaka omukyala owa Disitulikiti ye Mityana nga avuganya Hon Sylivia Namabidde.
Wabula ye RDC agamba nti obudde bwabadde buzibye.
Nabakooba alaajanidde Museveni – Akalulu kakaaye.
