Omulamuzi wa Kkooti ya Buganda Road Marion Mangeni yasindise akulira kkampuni ya ‘crypto currency’ Andrew Kaggwa Kulumba ku alimanda mu Kkomera e Kitalya nga amuvunaana emisango 65 okuli okufera abantu ssente.
Ono nga ye nnannyini Kkampuni ya Global Crypto Currency yaddamu okukwatibwa ku Kkooti e Mengo oluvannyuma lw’okuyimbulwa Omulamuzi Joel Wegoye nga agobye emisango egyabadde gimuvunaanibwa nga agamba nti tewabaddewo bajjulizi bamulumika ku misango gino.
Kigambibwa nti ono ngayita mu Kkampuni ye yafera abantu 65 ssente ezisoba mu bukadde lunaana (800) nga abagamba nti zaali zakukola amagoba agawereza ddala ebitundu 40 ku 100, ono emisango yagyegaanye nasindikibwa mu kkomera e Kitalya okutuusa nga 10-Sep-2020.